"Ame vazdas komunitete"

Sar o demokratikano orderi le Evropako kovljol, o politikano kosto pal i ekskluzia le romengi perel. Ama e roma na adžukeren o prindžaripe – o paruvipe amare rezistencako andi organizisardi politikani zor si maj urgento.

E Socialo-Demokraturja le Rumuniake kerde alianca jekhe radikalo partidosa zorales nacionalistikano, savo putardes čhudel avri le romen andar i rumunikani nacia. I demokratikani bariera si peravdi ‒ thaj e roma si te dikhen sigo e efekturja.

Ande Bulgariako alosaripe andar o aprilo, i mašina vaš o kontrolo le votosko kerelas buti ko sasto kapaciteto. Sas peravdi vi kadja – thaj e implikacie resle perdal i Bulgaria.